Wena Mutsonga sisimuka u vangama. Vangama exikarhi ka tinxaka. Tinyungubyisi hi vuwena. Ririmi ra wena rifuwile swinene hi swigaririmi, ri tirhisi ku tinyungubyisa ha rona. U nyumela yini kutirhisa ririmi ra wena, ndzhaka leyi u ngasiyeriwa yona hi vakokwa wa wena. Vulavula ririmi leri, tibi xifuma ha rona kwihi kumbe kwihi. Jaha I jaha hi ririmi ra rona. Ntombi yi xongile loko yi vulavula ririmi.

Vatsonga I vanhu va ntsako, vanhu vo hlekelela. Vaba makhwela no yimbelela loko vatsakile, vaba minkulungwana va chongola no chachula. Tinyungubyisi hi vuwena.

Komba ndhavuko wa Mutsonga hi swakudya, swiendla-hi-vomu, xidlamutani, xinghwimbi, kuhlaya I ku xurha. A hi ringiseni vanhu va le handle swakudya swa hina. Khale a hi fihluta muhundzi wa ndlela, a hi nyika la peleriweke ko etlela. Se ku humelele yini. Vatsonga ahi vuyiseni ndhavuko, hi tinyingubyisa.

Bana huwa hi xitici xa wena xa Radio, Munghana Lonene FM.  Hi vahlayisi va ririmi ra Xitsonga. Hi sekela ku hlayisa ririmi leri. Ti nyungubyisi hi minongonoko ya radio ya wena. Byela va’nwana.

Tlangela kaya ra wena, tlangela Afrika.